ມອບອຸປະກອນການຮຽນໃຫ້ແກ່ນ້ອງນ້ອຍນັກຮຽນ

< ຄວາມສຸກຂອງຜູ້ມອບຄືຄວາມພູມໃຈຂອງຜູ້ຮັບ >

ວັນສຸກ ວັນທີ 28/9/2018 ຫ້ອງການສຶກສາທິການ ແລະກິລາເມືອງສະໜາມໄຊ ໄດ້ຈັດພິທີມອບອຸປະກອນການຮຽນ ແລະເຄື່ອງນຸ່ງຫົ່ມຈຳນວນໜຶ່ງໃຫ້ແກ່ຜູ້ປົກຄອງ ແລະ ນ້ອງນ້ອຍນັກຮຽນທີ່ຖືກຜົນກະທທົບຈາກອຸທົກກະໄພສັນເຂື່ອນເຊປຽນ-ເຊນ້ຳນ້ອຍແຕກ ໃນວັນ 23/7/2018.

Admin ໃນນາມຕົວແທນສື່ ຂໍກ່າວສະແດງ ຄຳຂອບໃຈ ຕໍ່ເຈົ້້າຂອງວັດຖຸ(ຜູ້ທີ່ບໍລິຈາກ)ບັນດາທ່ານທີ່ໄດ້ທຸ້ມເຫື່ອ-ແຮງຈິດໃຈ ແລະວັດຖຸ-ເງິນຄຳ ມອບໃຫ້ແກ່ຫ້ອງການສຶກສາທິການ ແລະ ກິລາເມືອງສະໜາມໄຊ ເພື່ອສືບຕໍ່ແຈກຢາຍໃຫ້ແກ່ນ້ອງນ້ອຍນັກຮຽນ.

ມາຮອດມື້ນີ້ ວັນທີ 28/9/2018 ເວລາ 9:49 ນາທີ ທ່ານ ບົງແກ້ວ ສິນນະຄອນ ວ່າການແທນຫົວໜ້າຫ້ອງການ ແລະ ທ່ານ ເວຫາກົມມະເມືອງ ຮອງຫົວໜ້າພະແນກສຶກສາທິການ ແລະກິລາແຂວງອັດຕະປື ໄດ້ຮັບກຽດມອບອຸປະກອນດັ່ງກ່າວໃຫ້ແກ່ນ້ອງນ້ອຍນັກຮຽນຢ່າງເປັນທາງການ.

20/7/2018

      ວັນທີ 20/7/2018 ເວລາ 8:00 ຫ້ອງການສຶກສາທິການ ແລະ ກິລາເມືອງສະໜາມໄຊ ໄດ້ຈັດພິທີມອບ-ຮັບໃບຍ້ອງຍໍໃຫ້ແກ່ນັກຮຽນທີ່ມີຄະແນນດີເດັ່ນໃນການສອບເສັງຈົບຊັ້ນປະຖົມ, ມັດທະຍົມຕົ້ນ ແລະ ມັດທະຍົມຕອນປາຍປະຈຳສົກຮຽນ 2017-2018. ພາຍໃຕ້ການເປັນປະທານຂອງທ່ານ ຄຳໝັ້ນ ພົມມະແສງ ຄະນະປະຈຳພັກເມືອງ ປະທານແນວລາວສ້າງຊາດເມືອງ ແລະ ທ່ານ ບົງແກ້້ວ ສິນນະຄອນ ຮອງຫົວໜ້າຫ້ອງການສຶກສາທິການ ແລະ ກິລາເມືອງສະໜາມໄຊ (ເປັນຮອງປະທານ), ພໍ່ແມ່ຜູ້ປົກຄອງນັກຮຽນທີ່ຖືກເຊີນ ແລະ ບັນດາໜ່ວຍງານກ່ຽວຂ້ອງເຂົ້າຮ່ວມຢ່າງຄຶກຄື້ນ ແລະ ປິຕິຍິນດີ ກັບການຈັດພິທີມອບ-ຮັບຄັ້ງນີ້ຢ່າງສົມກຽດ.